ہر مسلمان اس بات کا متمنّی ہے کہ اسے دنیا وآخرت میں فلاح وفوز اور کامیابی وکامرانی حاصل ہو یہ تمنا کیونکر پوری ہوسکتی ہے؟ اس کا مختصرترین جواب یہ ہے کہ اللہ تعالی اور اسکے رسول صلی اللہ علیہ وسلم کی اطاعت وفرمانبرداری میں’ اور یہ اطاعت عقاید’ عبادات’ معاملات’ اخلاقیات بلکہ تمام اوامرونواہی میں ہو اور ہمیشہ ہو- سمع واطاعت کا یہ رشتہ دایمی ہو منقطع ہونے والا نہ ہو’ اگرکبھی کوتاہی ہوجایے تو فی الفوراسکا ازالہ کیا جایے اپنی غلطی کا اعتراف کرکے آیندہ اس سے اجتناب کا عہد کیا جایے کہ عبدیت وغلامی کا یہی تقاضا ہے- قرآن پاک اوراحادیث مبارکہ میں سمع واطاعت کے تمام پہلووں کو یا یوں کہییے کہ فلاح کی راہوں کو مختلف مقامات پر بیان کردیا گیا اورانہی میں سے ایک مقام سورۃ المومنون کی ابتدایی آیات ہیں جن میں رب العالمین نے بڑے وثوق سے فلاح پانے والوں کے چند اعمال کا ذکر فرمایا ہے اور یہ اعلان کیا ہے کہ یہی خوش نصیب ’جنت الفردوس کے وارث ہیں – اس رسالہ میں انہی آیات مبارکہ کی ضروری تفسیروتفصیل پیش خدمت ہے-