کیا حضرت عیسٰی علیہ السلام بن باپ کے پیدا ہویے؟ ایک طویل مدت تک تو امت مسلمہ کے ہاں یہ مسیلہ اجماعی رہا کہ حضرت عیسی علیہ السلام خدا تعالی کی قدرت کاملہ سے معجزانہ طور پر باپ کے بغیر پیداہویے – لیکن تقریبا ڈیڑھ صدی قبل برصغیر پاک وہند میں یہ بازگشت سنایی دی کہ حضرت عیسٰی علیہ السلام عام بچوں کی طرح پیدا ہویے-عصر حاضر میں غلام احمد پرویز ، مرزا غلام احمد قادیانی ، جاوید احمد غامدی اور ان کی فکر کے علمبردار لوگ اسی قسم کے نظریات کی ترویج واشاعت میں مگن ہیں- زیر نظر کتاب میں ابو القاسم محب اللہ شاہ راشدی نے اسی مسیلے کو زیر بحث لاتے ہویے اس ضمن میں متعدد علمی مباحث پر دلایل کی روشنی میں گفتگو کی ہے-حضرت جبراییل علیہ السلام کی بشارت اور حضرت ابراہیم و زکریا علیہ السلام کی بشارت کا تذکرہ کرتےہویے حضرت عیسی علیہ السلام کی معبودیت کا رد کیا ہے- کتاب کے آخر میں ولادت سیدنا عیسی علیہ السلام کے متعلق مولانا ثناء اللہ امر تسری کے خیالات کو سپردقلم کیا گیاہے-